Shkencëtarët kanë konfirmuar për herë të parë praninë e depozitave të mëdha karbonatesh në Mars – një tregues i qartë se planeti i kuq ka pasur një klimë të ngrohtë dhe të lagësht, të përshtatshme për jetën.
Këto karbonate janë formuar nga ndërveprimi i dioksidit të karbonit (CO₂) në atmosferën marsiane me ujërat e dikurshme të planetit, duke dëshmuar një cikël aktiv të karbonit – një proces thelbësor për ekzistencën e jetës.
Ky zbulim i jashtëzakonshëm, i publikuar në revistën shkencore Science dhe i koordinuar nga studiuesit e Universitetit të Calgaryt në Kanada nën drejtimin e Benjamin Tutolo, përfaqëson një hap të madh përpara në kërkimin për jetë jashtëtokësore.
“Ky është një zbulim befasues dhe i rëndësishëm, sepse na tregon se Marsi ka qenë i banueshëm,” thekson Tutolo.
