Qeveria shqiptare ka miratuar sot vendimin për të shpërblyer me nga një deri në tre paga mujore të gjithë efektivët që morën pjesë në operacionet e shuarjes së zjarreve gjatë verës.
Kush përfiton?
-Forcat e Armatosura
-Policia e Shtetit
-Shërbimet e Mbrojtjes Civile
-Zjarrfikësit
Shuma e shpërblimit do të varet nga kohëzgjatja e angazhimit të tyre në terren.
Dekorimet e mëparshme
Disa ditë më parë, qeveria dekoroi me medalje 23 efektivë të policisë, ushtrisë dhe zjarrfikësve. Ndër ta ishte edhe Komisar Agim Troci, i cili u plagos teksa shpëtoi disa banorë të bllokuar nga flakët, duke u nderuar me Yllin e Mirënjohjes Publike.
Dëmet nga zjarret
Vetëm gjatë këtij sezoni veror, në Shqipëri u dogjën mbi 54 mijë hektarë pyje, si dhe dhjetëra banesa, stane, bagëti e ullishte.
Në përballimin e flakëve ndihmuan edhe avionë e helikopterë nga vendet fqinje, por edhe nga Suedia dhe Emiratet e Bashkuara.
Premtimet e qeverisë
Rishikim të Kodit Penal për veprën e zjarrvënies
Rindërtim të banesave të djegura
Kompensim për bagëtitë dhe gjedhët e humbur
