NewYork Post
Eklipsi i Hënës së Përgjakshme këtë javë mund të trazojë fort zemrën tënde. Mirë se vini në kaos.
Në mbrëmjen e 7 shtatorit dhe në orët e para të 8 shtatorit, do të gjendemi nën ndikimin e fuqishëm të këtij eklipsi, i cili ndodh në shenjën e shpërbërjes dhe pastrimit.
Një eklips i plotë hënor ndodh kur Hëna hyn në hijen e brendshme të Tokës, dhe një pjesë e dritës së Diellit që kalon përmes atmosferës sonë e ndriçon atë në mënyrë të zbehtë.
Ky është një nga momentet më të forta të vitit, kur priten ndryshime dramatike dhe jemi të gjithë tërhequr në vorbullën kolektive emocionale, të përplasur e të shkundur, për të dalë më pas të hutuar, të lodhur, por ballë për ballë me diçka krejt të re e të papritur.
Eklipsi i Hënës së Përgjakshme
Jupiteri në Gaforre do të theksojë temat e sigurisë dhe qëllimit, ndërsa Saturni në retrogradë në Peshq do të nxjerrë në pah çështje që lidhen me angazhimet dhe përgjegjësitë afatgjata.
“Tronditjet janë të pashmangshme: modelet emocionale do të shemben, rrugët e karrierës mund të dalin nga drejtimi i parashikuar, dhe angazhimet që mendonim se ishin të pathyeshme do të kërkojnë një përballje të vërtetë,” thotë astrologia e çertifikuar Rachel Ruth Tate nga Casinos Analyzer për The Post.
Më poshtë janë gjashtë mënyrat kryesore se si ky eklips mund të përmbysë dhe riformësojë jetën tënde.
- Paqëndrueshmëri emocionale
“Prisni çrregullime të forta në zakonet emocionale dhe në bindjet personale, pasi Hëna do të errësohet plotësisht pranë nyjës veriore në mes të Peshqve,” paralajmëron Tate.
Mund të shfaqen ndjenja hutimi, shpërthime të papritura emocionale dhe luhatje të forta humori – nga vetja ose nga të tjerët.
- Ndarje dhe rifillime jetësore
“Eklipset pranë nyjës veriore ndezin një dëshirë të zjarrtë për ndryshim dhe evolucion brenda rendit ekzistues – qoftë në marrëdhënie, qoftë në karrierë,” shpjegon Tate.
Ky ndikim na bën më të vetëdijshëm për mungesat në marrëdhënie ose në punë – sidomos aty ku mungon siguria dhe ndjenja e mbështetjes.
- Dalje të bujshme
Sipas Tate, ky eklips do të na thërrasë drejt qëllimit tonë të lartë. Njerëzit që ndihen të zënë rob në punë të kota ose rraskapitëse mund të japin dorëheqje papritur ose të ndryshojnë krejt drejtim.
“Si po kontribuoni tek të tjerët? A përputhet ndikimi juaj me prioritetet që mbani në zemër? Ku mund të synoni më lart?”
Nëse puna juaj ju shkatërron shpirtin dhe gëzimin, ky është momenti për t’u larguar.
- Martesa, kontratat dhe premtimet në pikë thyerjeje
“Kjo Hënë e plotë na thërret të dëgjojmë me kujdes – si veten, ashtu edhe zërat rreth nesh. Të dëgjojmë jo vetëm fjalët, por arsyet që qëndrojnë pas tyre,” thekson Tate.
Me Saturnin në Peshq që ndikon fuqishëm, do të rishqyrtohet natyra e angazhimeve tona – me pasoja të thella për veten dhe për grupet ku bëjmë pjesë.
Në praktikë kjo mund të nënkuptojë divorce, rinegociim kontratash apo edhe thyerje premtimesh.
- Të vërteta të fshehura dhe shenja befasuese
“Kushtojuni vëmendje sinkronizimeve, mundësive të papritura dhe atij zëri të brendshëm që udhëzon nga thellësia,” këshillon Tate.
Si shenjë uji pa kufij, Peshqit do të sjellin rrjedha të forta ndryshimesh që mund të na përfshijnë, të na fundosin e pastaj të na nxjerrin më tej përgjatë lumit të jetës. Prisni sekrete të zbuluara, takime të fatit, shenja të çuditshme dhe një ndjeshmëri të rritur intuitive.
“Shfrytëzo çdo rast për t’iu afruar së mirës suaj më të lartë – dhe mos harroni se e mira e vërtetë është ajo që sjell dobi edhe për të tjerët.”
- Shkurtime dhe ulje në detyrë
Peshqit janë shenja e lëshimit dhe dorëzimit, ndaj Tate këshillon të mos ngjitemi fort pas emrave, titujve apo lavdërimeve. Ky eklips mund të sjellë shkurtime, ulje në detyrë apo goditje të egos.
“Mos u kapni pas rolit apo pushtetit, por pranoni me dinjitet dhe shpirt të pastër çdo vend ku jeni thirrur të shërbeni. Kështu do të qëndroni në përputhje me prioritetet tuaja të vërteta.”
