Rezultatet e fundit të Programit për Vlerësimin Ndërkombëtar të Studentëve (PISA) për vitin 2025 nxjerrin në pah një panoramë shqetësuese për arsimin në Shqipëri. Të rinjtë 15-vjeçarë u testuan në gjuhë & letërsi, matematikë dhe shkencë, dhe vendi renditet 69 nga 80 vende pjesëmarrëse, duke reflektuar problemet kronike të sistemit arsimor.
Sipas të dhënave të Bankës Botërore, rreth 60% e të rinjve shqiptarë janë analfabetë funksionalë, veçanërisht në shkencat ekzakte, një shifër trefish më e lartë se mesatarja e BE-së. Ekspertët theksojnë se shumë nxënës dorëzuan fletët e testimit bosh, duke treguar jo vetëm dobësi në mësimdhënie, por edhe mungesë motivimi dhe përgatitjeje.
PISA prej vitesh rendit Shqipërinë në vendet e fundit, duke theksuar nevojën urgjente për reforma të thella dhe përmirësimin e cilësisë së arsimit në çdo hallkë të tij.
