Një operacion i gjerë policor në Ekuador, pas një hetimi 20-mujor, çoi në arrestimin e 26 personave të dyshuar për lidhje me mafien shqiptare dhe krimin e organizuar.
Autoritetet sekuestruan rreth 300 kg drogë, ndërsa hetimet nisën në vitin 2024 pas zbulimit të 1.1 tonëve narkotikë dhe më pas 2.5 tonëve të tjera.
Sipas autoriteteve, operacioni i ka shkaktuar rrjetit kriminal humbje rreth 68 milionë dollarë dhe u realizua me mbështetjen e organizatave ndërkombëtare, përfshirë Policinë Mbretërore Kanadeze të Kalëruar.
