Raporti i Progresit i Komisionit Europian për Shqipërinë vlerëson pozitivisht punën e SPAK në luftën kundër korrupsionit dhe krimit të organizuar.
Qeveria dhe institucionet e tjera marrin vlerësime “mesatare” ose “negative” për ecurinë në qeverisje dhe demokraci.
Zgjedhjet parlamentare kritikohen për “mungesë kushtesh të barabarta” dhe “abuzim me burimet publike”; rekomandohet reformë e plotë zgjedhore.
Kuvendi cilësohet “pjesërisht efektiv” për shkak të polarizimit politik dhe mungesës së dialogut.
Kërkohet që procesi i integrimit të jetë më gjithëpërfshirës dhe ndërpartiak.
Administrata publike vlerësohet mesatarisht; kërkohet kufizimi i përdorimit të akteve normative për ndryshime buxhetore.
SPAK vlerësohet për rritjen e hetimeve financiare dhe bashkëpunimin ndërkombëtar.
Shqipëria konsiderohet “mesatarisht e përgatitur” në luftën kundër krimit të organizuar.
Në luftën kundër korrupsionit, vlerësohet progresi i SPAK, por theksohet se korrupsioni mbetet i përhapur.
Kërkohet më shumë dënime përfundimtare dhe sekuestrime pasurish nga korrupsioni.
Në ekonomi, kërkohet transparencë më e madhe për ndërmarrjet shtetërore dhe përmirësim i prokurimeve publike dhe PPP-ve.
Gjyqësori shihet me “përparim të moderuar”, por mbeten probleme me presionet politike dhe emërimet në KLGJ/KLP.
E drejta e pronës mbetet problem për shkak të transparencës së ulët dhe kompensimeve të vonuara.
Liria e medias vlerësohet me “përparim të kufizuar”; shqetësime për presionet politike dhe pasigurinë e gazetarëve.
Në mjedis, Shqipëria nuk ka bërë përparim; kërkohet zbatim më i mirë i ligjeve dhe kujdes ndaj “Paketës së Maleve”.
Raporti thekson nevojën për më shumë transparencë, dialog politik dhe forcim të institucioneve të pavarura.
