Një 37 vjeçar ka kanosur me thikë pronarin e një lokali në qytetin e Rubikut pas një konflikti për motive të dobëta.
Gjatë ndërhyrjes së oficerëve të policisë 37-vjeçari në gjendje të dehur, i ka kundërshtuar me forcë dhe ka goditur me grusht njërin prej tyre.Më pas, ai është larguar nga vendi i ngjarjes, por u arrestua menjëherë nga Policia.
Mbi 37-vjeçarin rëndojnë akuzat: “Kanosja”, “Prodhimi, mbajtja, blerja apo shitja e armëve të ftohta”, “Goditja për shkak të detyrës” dhe “Kundërshtimi i punonjësit të policisë së rendit publik”.
