Gjykata e Apelit në Perugia ka dënuar me burgim të përjetshëm ish-infermierin 62-vjeçar Leopoldo Wick, i akuzuar për vrasje të qëllimshme të pacientëve në një qendër shëndetësore.
Sipas Prokurorisë së Ascolit, Wick u shpall fajtor për tetë vrasje dhe katër tentativa vrasjeje, të kryera mes janarit 2017 dhe shkurtit 2019, përmes administrimit të barnave pa autorizim ndaj pacientëve të moshuar.
Vendimi vjen pas rigjykimit të urdhëruar nga Gjykata e Kasacionit, e cila në tetor 2024 rrëzoi lirimin e mëparshëm të dhënë nga Gjykata e Apelit e Ankonës. Fillimisht, Gjykata e Maceratës e kishte dënuar Wick me burgim të përjetshëm, vendim që më pas ishte anuluar në apel, por tashmë është rivendosur.
