Miliona gra po përballen me probleme të gjëndrës tiroide, dhe ekspertët paralajmërojnë se një nga faktorët kryesorë është ekspozimi ndaj toksinave të zakonshme të përditshme.
Këto substanca pengojnë aftësinë e tiroides për të prodhuar hormone të domosdoshme, të cilat ndihmojnë trupin të shndërrojë dhjamin në energji të përdorshme. Përveçse ngadalësojnë djegien e dhjamit në qelizat ku ruhen, toksinat shkaktojnë inflamacion dhe acarim, duke ndikuar negativisht në funksionin e tiroides dhe duke shkaktuar probleme të tjera shëndetësore. Hulumtimet e Universitetit të Miçiganit tregojnë se këto toksina mund të ulin prodhimin e hormoneve tiroide deri në dhjetë për qind.
Fajtori kryesor: Perklorati, një kimikat i përdorur në karburantet e raketave, eksplozivë dhe disa plehra, i cili ka depërtuar në ujërat nëntokësore të të paktën 43 shteteve. Ky substancë është gjetur edhe në shumicën e perimeve të pasura me ujë, si zarzavatet me gjethe dhe shalqiri.
Si ndikon në tiroiden: Qelizat e gjëndrës tiroide kanë një prirje të fortë për të thithur perklorat, aq sa e përdorin atë në vend të jodit, një mineral thelbësor për shëndetin e tiroides. Ky rrezik është veçanërisht i lartë tek gratë, pasi studimet tregojnë se ekspozimi ndaj perkloratit lidhet me nivele të ulëta të hormoneve tiroide tek gratë, ndërsa tek burrat ky efekt nuk është evident.
