CEO i SpaceX, Elon Musk, ka vendosur të largohet nga roli i tij në Departamentin e Efikasitetit të Qeverisë (DOGE), për t’iu përkushtuar plotësisht vizionit të tij për kolonizimin e Marsit. Në një deklaratë të cituar nga Fox News, Musk e përshkroi këtë përpjekje si një “sigurim jete për njerëzimin”, duke theksuar se në të ardhmen, Dielli do të zgjerohet dhe do të shkatërrojë jetën në Tokë.
Sipas NASA-s, Dielli ka ende rreth pesë miliardë vjet jetë, por Musk paralajmëron se për të garantuar mbijetesën afatgjatë të njerëzimit, duhet të bëhemi një qytetërim shumëplanetar. Ai synon ndërtimin e një qyteti të vetëmjaftueshëm në Mars – një vend që mund të mbijetojë edhe nëse ndërpriten furnizimet nga Toka.
“Pika kyçe është që Marsi të jetë i aftë të vazhdojë jetën më vete,” tha Musk, duke shtuar se ky moment do të përfaqësojë një kthesë të pakthyeshme për të ardhmen e jetës siç e njohim.
Sipas njoftimit të fundit në platformën X, SpaceX planifikon të dërgojë anijen Starship drejt Marsit në fund të vitit 2026, me robotin humanoid Optimus të Teslës në bord – një hap tjetër drejt realizimit të kësaj ëndrre ambicioze.
Elon Musk: Na pret shkatërrimi!
