Shtetet kryesore europiane kanë hedhur poshtë kërkesën e Presidentit amerikan Donald Trump për përfshirjen e NATO në sigurimin e Ngushtica e Hormuzit, duke theksuar se një operacion i tillë nuk është në mandatin e aleancës.
Trump kishte paralajmëruar se NATO mund të përballet me një të ardhme të vështirë nëse aleatët nuk ndihmojnë për të mbajtur të hapur këtë korridor strategjik detar, i cili është bllokuar kryesisht nga Irani. Megjithatë, reagimi nga Europa ishte i menjëhershëm.
Ministri gjerman i Mbrojtjes Boris Pistorius deklaroi se Berlini nuk sheh arsye për një angazhim ushtarak dhe theksoi se konflikti nuk është lufta e NATO-s. Sipas tij, çdo vendim për një operacion të tillë do të kërkonte një kornizë ndërkombëtare dhe miratim nga parlamenti gjerman.
Nga ana tjetër, kryeministri britanik Keir Starmer sqaroi se përpjekjet për rihapjen e ngushticës do të zhvillohen përmes një koalicioni më të gjerë partnerësh dhe jo nën ombrellën e NATO-s.
Tensionet në rajon mbeten të larta, ndërsa përplasja mes Shtetet e Bashkuara, Izraeli dhe Irani po hyn në javën e tretë. Mbyllja e Ngushticës së Hormuzit, nga ku kalon rreth 20% e naftës dhe gazit natyror të lëngshëm në botë, ka rritur shqetësimet për ndikime të mëdha në tregjet globale të energjisë dhe rritje të inflacionit.
