Një aksident fatal ka ndodhur në Engelberg–Titlis Ski Resort, ku një kabinë teleferiku u shkëput nga kablli dhe u rrëzua në një shpat mali me dëborë, duke shkaktuar vdekjen e një personi.
Sipas autoriteteve lokale, kabina ishte në lëvizje kur doli nga sistemi mbajtës dhe u rrokullis në mënyrë të pakontrolluar. Policia kantonale e Nidwaldenit konfirmoi se viktima ishte e vetme në kabinë, ndërsa identiteti i saj nuk është bërë ende publik.
Hetimet janë në vijim për të përcaktuar shkaqet e aksidentit, ndërsa autoritetet pritet të analizojnë të gjitha aspektet teknike dhe të sigurisë së teleferikut.
