Rusia e përshëndeti pozitivisht vendimin e presidentit amerikan, Donald Trump, për ndalimin e ndihmës ushtarake për Ukrainën, duke e vlerësuar si një hap që mund të çojë në një proces paqeje.
Zëdhënësi i Kremlinit, Dmitry Peskov, deklaroi se ky vendim mund të ndihmojë në ndryshimin e kursit të politikës së Kievi. Ai shtoi gjithashtu se për të arritur normalizimin e marrëdhënieve mes Rusisë dhe SHBA-së, është e domosdoshme heqja e sanksioneve ekonomike të vendosura nga Uashingtoni.
Përplasjet mes Rusisë dhe Ukrainës filluan në vitin 2014, pas përmbysjes së një presidenti pro-rus dhe aneksimit të Krimesë nga Rusia, ndërkohë që forcat separatiste mbështetura nga Moska luftuan kundër Ushtrisë ukrainase. Pas kësaj, në vitin 2022, Rusia dërgoi dhjetëra mijëra trupa në Ukrainë, duke shkaktuar një konflikt të ashpër që shënoi përshkallëzimin më të madh të tensioneve mes Moskës dhe Perëndimit që nga Lufta e Ftohtë.
