Një produkt ushqimor shumë i njohur, që u bë viral në TikTok, është tërhequr urgjentisht nga tregu në Australi për shkak të pranisë së alergjenëve të padeklaruar.
Të gjitha blloqet e çokollatës “Dubai” nga kompania Choco Bliss janë tërhequr nga dyqanet e saj në Queensland, pasi ambalazhi nuk tregonte siç duhet përbërësit që mund të shkaktojnë alergji.
Kjo çokollatë u bë virale më herët gjatë këtij viti falë mbushjes së saj të ëmbël dhe të butë me kadayif dhe fëstëkë, frymëzuar nga ëmbëlsirat tradicionale të Emirateve të Bashkuara Arabe.
Megjithatë, sipas paralajmërimit të publikuar në faqen zyrtare të Standardeve Ushqimore të Australisë, kjo çokollatë mund të përmbajë fëstëkë, qumësht, fara susami dhe grurë, të cilat nuk janë deklaruar siç duhet në etiketë.
“Çdo konsumator që ka alergji ose intolerancë ndaj fëstëkut, qumështit, farave të susamit apo grurit, mund të përjetojë një reaksion nëse konsumon këtë produkt,” thuhet në njoftimin e tërheqjes.
Tërheqja prek të gjitha produktet e çokollatës “Dubai” me afat skadence deri më janar 2026 (përfshirë këtë datë).
Konsumatorëve që kanë alergji ose intolerancë ndaj këtyre përbërësve u kërkohet të mos e konsumojnë produktin dhe të kthejnë produktin në vendin e blerjes për të marrë rimbursim të plotë.
“Çdo person i shqetësuar për shëndetin e tij duhet të kërkojë këshillë mjekësore,” përfundon njoftimi.
Lajm i përkthyer nga “NewYork Post“
