Forcat amerikane kanë shkatërruar katër anije të dyshuara për trafik droge në Oqeanin Paqësor, duke lënë pas 14 të vrarë dhe një të mbijetuar, i cili u shpëtua nga autoritetet meksikane. Lajmi u konfirmua nga Sekretari i Mbrojtjes, Pete Hegseth, i cili tha se operacioni u krye me urdhër të Presidentit Donald Trump.
Ky është sulmi më i fundit në kuadër të fushatës amerikane kundër trafikantëve të drogës në Paqësor dhe Karaibe, e cila ka shkaktuar deri tani 57 viktima dhe tensione të reja me qeveritë e Kolumbisë dhe Venezuelës.
Ndërkohë, sulmet janë dënuar nga disa vende të rajonit, ndërsa kongresmenë amerikanë, si demokratë ashtu edhe republikanë, kanë ngritur dyshime mbi ligjshmërinë dhe autoritetin presidencial për urdhrimin e tyre.
