Policia britanike ka arrestuar dy persona pas një sulmi me thikë në një tren, ku disa udhëtarë mbetën të plagosur. Incidenti ndodhi në një tren që udhëtonte drejt Huntingdon, në Cambridgeshire.
Në vendngjarje u dërguan menjëherë forcat policore, duke përfshirë edhe njësitë e armatosura.
Një dëshmitar e përshkroi skenën si “të tmerrshme” dhe “plot kaos”, duke shtuar: “Kishte gjak kudo, ishte një situatë e dhunshme dhe e frikshme.”
Operatori i trenave LNER paralajmëroi për mundësinë e ndërprerjeve në linjat e shërbimit pas këtij incidenti.
