Çeçenia ka miratuar një ligj të ri që ndalon gratë të veshin elementë tradicionalë të konsideruar “mashkullorë”, duke zgjeruar kufizimet ndaj veshjeve femërore në republikën ruse.
Ministria e Kulturës njoftoi se dizajnerëve u ndalohet përdorimi i stileve që, sipas autoriteteve, bien ndesh me “zakonet dhe vlerat kulturore” të rajonit. Në fokus të ndalimit janë gazyrët, rreshta xhepash të përdorur për municion, të cilët janë pjesë e veshjes tradicionale mashkullore çerkeska — një pallto leshi me qafë të lartë e popujve të Kaukazit.
Megjithëse autoritetet e paraqesin masën si mbrojtje të traditës, vëzhguesit theksojnë se ligji ka më shumë të bëjë me kontrollin mbi veshjen e grave sesa me ruajtjen e kulturës.
