Ambasadori i Iranit në OKB, Amir-Saeid Iravani, deklaroi se mbi 1,300 civilë janë vrarë nga sulmet ajrore të SHBA-së dhe Izraelit në Iran që nga fundi i shkurtit.
Sipas tij, bombardimet kanë shkatërruar rreth 9,669 objekte civile, përfshirë afro 8 mijë banesa dhe 65 shkolla, si dhe kanë shkaktuar ndotje të madhe pas goditjes së depove të karburantit.
Ndërkohë, gazetarë të AFP raportuan për shpërthime të reja në Teheran, në veri dhe perëndim të kryeqytetit, ndërsa luftimet në rajon vazhdojnë dhe tensionet mbeten të larta.
