Kancelari gjerman Friedrich Merz deklaroi se bombardimet ndaj Iran nuk do të çojnë në ndryshim regjimi, duke kritikuar Shtetet e Bashkuara të Amerikës për mungesë strategjie për përfundimin e konfliktit.
Edhe pse fillimisht mbështeti sulmet e SHBA-së dhe Izraelit, Merz theksoi se ndryshimi i regjimit është i nevojshëm, por nuk mund të arrihet përmes mjeteve ushtarake.
Ai përjashtoi përfshirjen e Gjermanisë në konflikt, përfshirë mbrojtjen e Ngushticës së Hormuzit, dhe nënvizoi se kjo luftë nuk është çështje e NATO. Merz kërkoi gjithashtu një plan të qartë për përfundimin e luftës, duke paralajmëruar rreziqet e një konflikti të zgjatur.
