Popullsia e botës ka arritur në rreth 8.3 miliardë banorë në vitin 2026, një rritje e jashtëzakonshme krahasuar me një shekull më parë, kur ishte katër herë më e ulët. Sipas projeksioneve të Kombet e Bashkuara, ky trend do të vazhdojë gjatë gjithë shekullit XXI, me popullsinë që pritet të arrijë rreth 10 miliardë deri në vitin 2060 dhe të kulmojë në 10.3 miliardë në vitin 2084.
Rritja e shpejtë ka ndryshuar ndjeshëm hartën demografike globale. Afrika pritet të shënojë rritjen më të madhe, duke arritur deri në 37% të popullsisë botërore, ndërsa Evropa do të bjerë në vetëm 6%. Azia, aktualisht më e populluara, pritet të pësojë një rënie relative në përqindje.
Ndërkohë, debati për rënien e lindshmërisë në shumë vende vazhdon, pasi mbi gjysma e shteteve kanë norma nën nivelin e zëvendësimit. Megjithatë, ekspertët theksojnë se kjo nuk përbën domosdoshmërisht një krizë, pasi mund të sjellë edhe përfitime si ulja e presionit mbi mjedisin dhe përmirësimi i kushteve sociale.
Në sfondin e kësaj rritjeje, shqetësimet për ndikimin në mjedis po bëhen gjithnjë e më të forta. Një popullsi në rritje ushtron presion të madh mbi burimet natyrore, duke ndikuar në përshpejtimin e ndryshimeve klimatike, humbjen e biodiversitetit dhe rritjen e pasigurisë ushqimore.
Një nga sinjalet më alarmuese vjen nga Antarktida, ku akullnaja Thwaites po shkrihet me ritme të shpejta. Sipas ekspertëve, kolapsi i saj mund të rrisë nivelin e deteve me rreth gjysmë metri në dekadat e ardhshme, duke rrezikuar miliona njerëz në zonat bregdetare.
Popullsia globale arrin 8.3 miliardë, paralajmërohen pasoja të mëdha për klimën dhe burimet
