Katër shqiptarë nga Kosova kanë humbur jetën të martën në Vjenë, si pasojë e një incidenti me skelën në vendin e punës.
Një familjar i njërit prej viktimave konfirmoi lajmin përmes rrjeteve sociale, duke shprehur dhimbjen e thellë për humbjen e djalit të axhës dhe tre shokëve të tij. Njëri nga të ndjerët është Pajtim Bajrami nga Komuna e Skenderaj.
Sipas mediave austriake, një zëdhënës i Departamentit të Zjarrfikësve të Vjenës shpjegoi se incidenti ndodhi për shkak të një problemi me skelën, që shkaktoi shembjen e një kallëpi.
