“Hëna e Plotë Rozë” e muajit prill do të arrijë kulmin më 1 prill 2026, në orën 22:12 (EDT), dhe ndonëse përkon me Ditën e Gënjeshtrave, nuk bëhet fjalë për shaka. Pavarësisht emrit, Hëna nuk do të shfaqet në ngjyrë rozë.
Emërtimi lidhet me lulëzimin pranveror të bimës së egër “creeping phlox”, që rritet në Amerikën e Veriut. Kjo Hënë e plotë njihet gjithashtu si Hëna Pashkore, pasi është e para pas ekuinoksit të marsit.
Sipas traditës, kishat perëndimore e caktojnë festën e Pashkëve të dielën pas kësaj Hëne të plotë, duke e vendosur Pashkën për vitin 2026 më 5 prill.
Në momentet kur ndodhet pranë horizontit, Hëna mund të marrë nuanca të ngrohta portokalli ose ari, në vend të ngjyrës së zakonshme të bardhë.
“Hëna rozë” arrin kulmin më 1 prill, lidhet edhe me datën e Pashkëve
